Temperatur

Insan orqanizminin sabit temperaturu termorequlyasiya prosesi ilə tənzimlənir.  Temperaturun dəyişməsi həyəcan siqnalıdır. Qoltuqaltı çuxurda ölçülmüş normal bədən temperaturu 36,4-36,8°C təşkil edir. Səhərlər adətən, temperatur aşağıdır, axşamlar qalxa bilər.

Temperatur növləri:

  1. subnormal temperatur (36°C-dən aşağı); qalxanvari vəzin, böyrəküstü vəzilərin funksiyası zəifləyərkən,  bəzi baş beyin xəstəlikləri, həddən artıq arıqlama, zəifləmə, çoxlu qan itkisi, vəba zamanı müşahidə olunur.  
  2. subfebril temperatura (37,1—38°С); uzun müddət davam edə bilər, zəiflik və ümumi halsızlıqla keçir.
  3. febril temperatur (38,1°С).
  4. letal maksimal bədən temperaturu (ölümlə nəticələnən) 43 °C-dir.  Letal minimal bədən temperaturu 15-23°C-dir. 

Fizioloji temperatur dəyişikliyi 0,2-0,5°С təşkil edir. Insanın bədən temperaturu ölçüldüyü nahiyyədən, günün vaxtından, yaşdan, qida qəbulundan, güclü emosional gərginlikdən asılıdır.

Termometriya – bədən temperaturununölçülməsi deməkdir.

Temperaturun ölçülməsi qaydası:  temperatur gündə 2 dəfə ölçülür – səhər, ac qarına (saat 7-8-də) və axşam, sonuncu qida qəbulundan əvvəl (saat 17-18-də), ayrı-ayrı hallarda hər 2-3 saatdan bir.

Temperatur ölçülən yerlər – xəstəliyin xarakterindən asılıdır. Temperatur tibbi termometrlə qoltuqaltı çuxurda, qasıq büküyündə (uşaqlarda), ağız boşluğunda (dilaltı nahiyyədə), düz bağırsaqda və uşaqlıqda ölçülür.  Düz bağırsaq və uşaqlıqda temperatur 1°С yüksəkdir.

         Əgər xəstə davamlı müşahidə altındadırsa, temperatur HƏMİŞƏ eyni üsulla və eyni vaxtda ölçülür. 

Qoltuqaltı çuxurda temperaturun ölçülməsi

  1. Termometr ilıq sabunlu su ilə yuyulur və silinir.
  2. Termometri silkələyin ki (əgər civədirsə), göstərici 35°С-dən aşağı ensin.
  3. Qoltuqaltı çuxurda xəstənin dərisini təmiz salfetlə qurulayın.
  4. Termometri qoltuqaltı çuxura elə yerləşdirin ki, civə rezervuarı hər tərəfdən bədənə toxunsun.
  5. Xəstədən qolunu bədəninə sıxmağı xahiş edin. Zəifləmiş xəstənin qolunu əlinizlə saxlayın.
  6. Termometri 5-6 dəqiqə saxlayın
  7. Termometri çıxarın, göstəricini qeyd edin.
  8. Termometri isti su ilə yuyun, qurulayın, silkələyin və qutusuna qoyun. 

Düz bağırsaqda temperaturun ölçülməsi

Diareya, qəbzlik, hemorroidal çatlar zamanı əks-göstərişdir.

  1. Termometr ilıq sabunlu su ilə yuyulur və silinir.
  2. Termometri silkələyin ki (əgər civədirsə), göstərici 35°С-dən aşağı ensin.
  3. Termometrə vazelin çəkin
  4. Xəstəni böyrü üstə uzadın
  5. Termometri yarıya qədər gödənə yerləşdirin
  6. Bir əlinizlə xəstənin sağrılarını yumulmuş vəziyyətdə saxlayın
  7. O biri əlinizlə termometri düzgün istiqamətdə saxlayın
  8. Termometri 3 dəqiqə saxlayın
  9. Termometri çıxarın, göstəricini qeyd edin.
  10. Termometri isti su ilə yuyun, qurulayın,  spirtlə dezinfeksiya edin, silkələyin və qutusuna qoyun. 

Elektronrəqəmsal  termometrlə.

  1. Cihazın düyməsini qoşun
  2. Bədənin istənilən sahəsinə qoyun
  3. 3 saniyədən sonra xarakter siqnal eşidilir
  4. Göstəriciləri qeyd edin
  5. Termometri spirtli pambıqla silin 

Temperaturun yüksəlməsi qızdırma adlanır. 

 

 

 

Ünvan:
Bakı şəhəri
İş rejimi:
Şənbə-bazar 9:00-21:00